My Novel

هذا أول بارت من روايتي

أنشالله ان شفت تفاعل بتويتر معاي راح أنزل البارت الثاني بعده

اقترب من ذاك المسجد بهدوء .. غطى وجهه خوفا من ان يراه يعرفه احد و يبلغ عنه , يحمل بكلتا يديه طفلتان تحملان ملامح البراءة , لم يتعدى عمرهما الثلاث ايام , هو المسؤول عن انجابهم , انه ابوهم الذين من المفترض حمل اسمه , لكنه قرر التخلي عنهما و رميهما انه لا يستطيع تربيتها  ! لديه من البنات 8 و هما التاسعة و العاشرة , لا يستطيع الصرف على ال8 بنات , لطالما تمنى انجاب الولد الذي يحمل اسمه و يكون السند له في هذه الدنيا , لكن من الواضح ان الولد ليس من نصيبه , قرر بدون علم زوجته التخلي عن الرضيعتان , من غير ان يسألها عرف انها سترفض التخلي عن البنات فقرر هو بدلا عنها , نسى ان الطفل يأتي و يأتي رزقه معه , تركهما عن باب المسجد قبل موعد الاذان و قبل وصول المصلين مع الامل بأن تتم تربيتها افضل تربية بعيدا عنه , ابتعد و لكن عيناه رفضتا الابتعاد عن الرضيعتان و هما عند باب المسجد لكنه قسّى قلبه و ابتعد

" لا حووول ولا قوة الا بالله " , " منو عنده قلب يتخلى عن ضناه ؟ " , " قاعدين يبجون شنسوي ؟ , " اتصلوا بالشرطة خل ياخذونها " , هذه كانت اصوات المصلين عندما سمعوا بكاء الرضيعتين , انفطر قلب الجميع عليهما , فمن يملك القسوة للتخلص من هاتين الرضيعتين , ايكونا ثمرة علاقة محرمة !! الجميع ظن ذلك لان لماذا احتفظوا بهما لاكثر من يوم ! اتت الشرطة و اخذت الرضيعتين و تم وضعهما بدار الرعاية الاجتماعية للأطفال , الجميع بالدار فرح فهما اصغر طفلتان في الدار , لطالما نظرت لهما المشرفتان بنظرة العطف و الحنان و كن يحرصن على وضعهما بالقرب من بعضهما  و كن يمنعن بقية الاطفال من اللعب معهن بعنف و عدم ايذائهن , و بقين على ذلك الحال مدة شهر و بعد ذاك الشهر تغير حالهن

My twitter account :

Zayoon_ashkn

أنطر ردوركم

lets eat nuttela

الكل يدري ان الكويتين شعب الهبة
عسا ما نزل شي يديد اهما اول من هب فيه
بدينا بالبلاكبيري بعدين الكروكس بعدين الايفون و البيبي ويا بعض بعدين السبايكي و جناط السيلين اللي الويتينق ليست وصل ال4000 اسم ببوتيك الكويت
الحين المصييييييييييبة اللي هبو فيها إهي " النوتيلا "

يعني الشعب ناقص متن اللي هاب لي بالنوتيلا

نمشي بالشارع نشوف بطايق تمشي كلهم قصار و متان

يعني ما ظنيت بتوصل فيهم يشترون العلبة ام 27 دينار

شددددددعوه عليكم!!!!

والله كليته مرة احس انغثيت اسبوووع من كثر ما اهو ثقيييييييييل

و الحين هبولي بإبر النويتلا

يعني شهالرعب حاطين النوتيلا بإبر جني رايحة أطق أبر غرووث

وااي مو صج هالبنات لي هبو بشغلة

و المصيبة شبابنا مجارينهم

My look for avenues

هذا اللوك كان برمضان قبل العيد بجم يوم رحت ويا رفيجتي الأفنيوز

القميص : الفيرتو مارتيني

السكارف : الفيرتو مارتيني

الحزام : مال امي ما ادري من وين :D

الشيلة : ايس برغ

الجنطة : الفيرتو مارتيني

الشوز : الفيرتو مارتيني

الجينز : زارا

مسرحية مصباح زين

يوم الجمعة 24\8 رحنا مسرحية مصباح زين و هي من بطولة شجون , فاطمة الصفي , عبدالله بهمن , حمد أشكناني , فهد باسم و اللي تنعرض على مسرح صالة التزلج

تذاكرنا كانت VIP الصف الثاني و بسعر 30 دينار
أول ما وصلنا كان الدخول مقسم ل3 بوابات
وحدة لتذاكر فئة 30,25,20
الثانية و الثالثة لتذاكر فئة 15,10,5
الدخول منظم جدا و كراسي الVIP نسبيا مريحة و المسرح مكيف

طبعا كنت ناوية أكلم أحمد البريكي بخصوص اني بلوقر و أبي أصور بس ما مداني
و شفنا قبل بداية المسرحية الكاتبة هبة حمادة و كانت تمشي بين الجمهور و تسلم و اليهال يصورون وياها وروحها حلوة معاهم

بدت المسرحية على شكل صف دراسي و بمشاركة عدد من الأطفال الموهوبين مثل كنزي اللي غنت برمضان ألغاز مسابقات شوجي

و هذي لقطات من بداية المسرحية

مني وقفت تصوير لأن الملاقة التنظيم كل شوي حاط الليت بويهي حسسني إني بصور مادونا ,, أقصاها شوجي ولا نست شكانت!!

في بعد صور من النهاية و الحين بحط تعليقاتي النارية عالمسرحية:

المسرح كبييييييييييير جدا و عطاهم مساحة حلوة للحركة

الديكور رووووووعة

الإضاءة قوييية جدا و جميلة جدا جدا

الألحان رحبانية أصلية

حبيت إن المسرحية باللغة العربية الفصحى ة فيها فنون اللغة العربية من سجع و طباق

حركة شوجي و مرونتها و حيويتها عالمسرح مبهرة

الإبهار الفني

و السلبيات :

صوت الموسيقى واااايد أعلى من صوت الكلام لدرجة إن أغلبية الكلام ما كان واضح !!:\

دور فاطمة الصفي هامشي جدا جدا جدا

القصة قدييييييمة ,, شخباري علاء الدين!!

شوجي بنت ليش مخلين الحوار على إنها صبي!!

المسرحية وقتها تقريبا ساعة و نص و أنا من الفصل الأول مليت ولما خلص عبالي خلصت المسرحية استانست بقوم أطلع ولا طلع في فصل ثاني :( يعني بالنسبة لي إني كبيرة و شايفة هالمسرحية قصة و فلم وعرض بديزني مليت منها بس اليهال حبوها

طابور التصوير شطوووووله زين ما وصل ريسكفري:S

صور من النهاية و هم في شوي تحلطم وراها :D

مثل ما أنتو ملاحظين إن هذي صور من الختام

و أنا أصورهم ياني الدعلة مال النظام وشاب الليت بويهي يقول ممنوع التصوير قلت له إن خلصت المسرحية أصور مثل ما أنا أبي

و تم يقول ممنوع و أنا مطنشته آخر شي عطيته من الآخر قلت له أخلص تصوير و أتفاهم وياك :D

يعني هم داشه بفلوسي و هم إييني واحد يداحرني!!!!!!

و شفيها يعني لو صورت بتقوم الحرب العالمية !!!!!!!

جد جد نرفزني و زين ما فصلت عليه و أنا فصلاتي خطرة جدا عالبشرية

تقييمي للمسرحية 7\10 أحسن من غيرها بواااايد

makeup haul

من زمان مو منزلة ولا بوست

اليوم البوست راح يكون makeup haul

هالمنتجات أغلبيتهم يدد و كلهم حلوين و عجبوني

صورة جماعية :D

أول شي the face

صورة جماعية

و راح نبدا بالفاونديشن

اسنفجة the beauty blender

سمعت لها مدح واير بالمنتديات و اليوتيوب و قالو ان الفنانات يستخدمونها

وانا وحدة عندي حساسية من كلمة يستخدمونها الفنانات و اقول ما قامو يدللون عليها الا لأنها عايبة خايبة

بعدين شفت جيسيكا هارلو تستخدمها وانا اثق بكلامها

بديت ادور بتاجرات المنتديات لان ماعندي فيزا النت عشان اطلبها

و لقيت السعر جددددا مبالغ فيه يوصل لي ال20 دينار و اهي سعرها الاصلي 5 دنانير!!! و ما احب هالاستغلال

صدفة لقيتها بموقع كويتي مع التوصيل تطلع ب7 و سيييييييدة طلبتها

ادري قرقت وايد وصل رايي

الاسفنجة روووووووعة اتينن حق الفاونديشن و الكونسيلر و البلشر تدمج بضمييييييييير

انصح فيها و بششششششششدة

الثاني اهو كريم اساس ماكس فاكتور lastimg performance

ما ادري شكو شريته بس لما جربته حبيته وايد و تغطيته حلو

و انصح فيه

الكونسيلر

اول واحد كونسيلر غارنييه رول اون .. حبيته حق الصبح و تغطيته زوينه

الثاني NYX concealer in a jar

للأسف ما لقيت الا درجة فاتحة و قلت ادري بيطيح بجبدري و بيخليني ساحرة

بس لما جربته صار واااااو لونه حلو و مو يابس واير و بسرعة يتوزع و اذا لقيت درجة اغمج باخذ

للأسف الدرجة مو واضحة .. اهي 03

و نيي حق الحمر .. الكولكشن اليديد اللي شاريته من ريميل و ريبي و NYX

نبدا بريميل : اهو هالكولكشن نزل باسم كيت موس و وااايد حلو مو وايد شيمر مو اوفر مات و الالوان الموجودة حلوة

عندي هال3 وبشتري منهم بعد

مثل ما اهو واضح هذي ارقام الدرجات اللي خذيتها منهم

أول وحدة يمين اهي 08 لونها البنفسجي الوردي النيود(وصف نار بصراحة) يعني حدده طبيعي و ناااعم

ثاني وحدة اهي 16 لما جربتها بالمحل حللللوة بس لما رديت البيت لقيت ان هاللون انا كلش ما احبه اللي اهو الوردي اللي ياي على مشمشي

الثالثة اهي 05 لونها فووشي وفيه لمعة شوي و حييل حابته

للأسف ما سويت لهم سواتش:((

هذول الحمرتين من ديبي و NYX

الاولى عاليمين صايرة بينك فسفوري ناعم

الثانية هذي ما ظل بلوق و منتدى ما انمدحت فيه و ذاك اليوم بالصدفة لقيتها و اخر حبه

اسمها tea rose و درجتها 628

واااايد ناعمة و طبيييعية

ونيي حق المسكرات حبايب الألب <3

هالثنتين مع بعض يسوون دمااار شاااممملللللل

هذي من برجوا كلش ما كنت متشجعة عليها ما ادري ليش

بس طالعة حاقة قميلة اوي اوي اوي تعطي طول و كثافة

و هذي من ريميل و اسميها الحب كله :D

تعطي كثااافة لاصارت ولا استوت

و بس خلص البوست :D

شرايكم فيني و انا حلوة و أنزل بوستات اينن موووو

نراكم عن قريب

Prada collection fall 2012

this is prada collection for fall 2012

all pictures and prices taken from Saks fifth avenue

522KD

431KD

467KD

325KD

^^

LOVE<3

196KD

522KD

^^

OOOOMMMMMGGGGGG

love the collection

krispy kreme celebration for kuwait national day

اليوم الصبح حاطين مع الجريدة عن عرض كريسبي كريم بالعيد الوطني للكويت

و هذا البروشور

في أحد ذايقه ؟؟؟ :/

M.A.C new collection

هذي آخر تشكيلة من مكياج ماك نزلت .. و تنباع بهالموقع

Nordstrom

 بـ 7.840 د.ك

بـ 4.480 د.ك

بـ 5.460 د.ك

بـ 4.060 د.ك

بـ 5.320 د.ك

بـ 5.600 د.ك

بـ 10.640 د.ك

بـ 10.640 د.ك

بـ 10.640 د.ك

بـ 4.200 د.ك

بـ 4.200 د.ك

بـ 9.520 د.ك

بـ 4.200 د.ك

F2o designs

قبل فترة حطو هالمحل ببرنامج whats on عالوطن و حيييل عجبني الشغل
قبل فترة قررنا نروح انا ويا امي و خواتي
بصراحة التيشيرتات و البلوفرات وااايد حلوين و الشغل مرتب و عندها بعد mugs و ميداليات و كوشيات و أسعارها مناسبة
للأسف لما رحت لها ما كنت مبطلة هالبلوق فـ ما صورت و هذي الصور من الموقع

محمد المساعيد

عمر العثمان

البوث بمعرض كويتي و افتخر

 البلوق

الموقع